छेँखां छम्हसित कोरोना परिक्षण यायेत उजं


राष्ट्रियसभाया विधायन व्यवस्थापन समितिं छेँखां छम्हसित कोरोना संक्रमणया परीक्षण यायेत सरकारयात उजं ब्यूगु दु ।

शुक्रबाः च्वंगु समितिया मुँज्यां कोरोना परीक्षणया दायरा विस्तार यायेत उजं ब्यूगु खः ।
स्वास्थ्य तथा जनसंख्यामन्त्री भानुभक्त ढकाल उपस्थित जूगु मुँज्याय् समितिं फुक्क प्रदेश व स्थानीय तहलय् आवश्यकता कथं स्वास्थ्य सामग्री थ्यंकेत, राहत वितरणयात व्यवस्थित यायेत व स्वास्थ्य सम्बन्धी एकीकृत कानून देकेत उजं ब्यूगु खः ।

सीमा लागाय् दूपिं नागरिकया उचित व्यवस्थापन यायेत, दैनिक ज्यालादारी मजदुरयात राहत वितरणया मापदण्ड देकेत, कोरोना रोकथाम व उपचारय् निजी अस्पतालया छ्यलाबुला यायेत व विदेशं लिहाँवःपिनि रोजगारीया व्यवस्थापन यायेत नं समितिं उजं ब्यूगु दु ।

Share on Google Plus

News: Newa News

    छ्याता
    फेसबुक छ्याता