कोरोना अस्पतालय् मदुम्हसिके कोरोना मदु


भरतपुरय् दूगु कोरोना बिषेश अस्पतालय् उपचारया झ्वलय् मदुम्हेसिके कोरोना भाइरस (कोभिड १९) संक्रमण मदुगु पुष्टि जूगु दु ।

वीरगञ्ज २२ जगन्नाथपुरया ३० दँया सन्तोष यादव मंगलबार सुथः ९ः३० बजे उपचारया झ्वलय् मदुगु खः । लुपस धैगु ल्वचं पिडित वयेक ज्वरो व निमोनियाया लक्षण खनेदयेधुंका चितवन मेडिकल कलेजं कोभिड १९ या आशंका याना ९ चैतय् कोरोना बिषेश अस्पतालय् रिफर याःगु खः ।

वयेकःया स्वाब १० गते येँ छ्वःगु खःसा न्हिनय् सासः ल्हाये थाकुगुलिं आईसीयूलय् छ्वःगु खः । उपचारया झ्वलय् ११ गते मंगलबार सुथः साढे ९ बजे वयेकः मन्त ।

मंगलबार सनिलय् वःगु रिपोर्टय् कोरोना नेगेटिभ वःगु खः ।

Share on Google Plus

News: Newa News

    छ्याता
    फेसबुक छ्याता