नेवाः सभ्यता व शाक्यमुनि सभ्यता स्वाकेत स्वयम्भू निसें लुम्बिनीतक साइकल र्यालि ग्वसाः ग्वयेत्यंगु दु ।
एभरेष्ट म्याराथन ग्वसा ग्वया बयेबय् जुयादीम्ह बिक्रम पाण्डेकाजीया परिकल्पना कथं नेवाः सभ्यतायात उजागर यायेत ग्रेट बुद्धिष्ट त्रेल नामं थूगु ज्याझ्वः ग्वसाः ग्वयेत्यंगु खः । नेवातय् छु मदु ? भाषा, भेष भुषा, नसा, सँस्कार, सँस्कृति फुक्क दु । थ्व क्यना पर्यटक दुतहयेगु आज्जु खः । मचांनिसें नेवाः समाजय् ब्वलनादीम्ह पाण्डेकाजी पत्रकार सम्मेलनय् न्ह्यथनादिल । नेवाः समाजं थःत न्ह्याबलें साःगु वयेकलं न्ह्यथनादिल । येँया द्धारिका होटलय् जूगु पत्रकार सम्मेलनय् कंस शुक्रवाः सुथय् ६.३० बजे स्वयम्भु हारती द्यः थाय् मूनाः येँ – लुम्विनी तक उगु र्याली न्ह्याइगु न्ह्यथनादिल ।
साइकल र्यालिइ १५० साइक्लिस्टया ब्वति दैगु ब्यबस्थापक दिपक राईया धापु दु । तर कोरोना भाइरसया कारण १०० तक दयेफुगु वयेकलं न्ह्यथनादिल । न्याम्ह विदेशी नापं मिखाँ मखंम्ह, न्ह्यापं मताम्ह व ल्हा मदुपिं साइकल यात्रीया तकं थुकि ब्वति दैगु वयेकलं न्ह्यथनादिल । थूगु ज्याझ्वलय् खडगी सेवाः समितिया सल्लाहकार मनोज नेवाः खडगी व साग कासाया स्वर्ण बिजेता लक्ष्मी मगर गुडवील एम्बेसिडर कथं च्वनादीगु दु ।
ज्याझ्वलय् आयोजक पाण्डेकाजीं थूगु ज्याझ्वःया मू आज्जु धैगु हलिंया १ करोड मल्याक बौद्ध पर्यटकयात नेपालया बुद्ध भुमिइ सालेगु जूगु न्ह्यथनादिल । वयेकलं अन्तराष्ट्रिय दबुलिइ थम्हं लुम्बिनी निसें मायादेवी देगः व देवदहया लँपुयात मायादेवी प्रसुति पदयात्राया नामाकरण यानागु व थ्व लँपु याकनं स्थापित जुइगु तकं दाबी यानादिल ।
नेवाः सभ्यता व नेवाः सँस्कृतियात म्हसीका थुकथं गैर नेवाःत जुयाच्वंगु तसकं च्वछाय् बहजु । तर नेवातयेसं थःगु सभ्यतायात म्हसिकीगु गुबलय् ?
छ्याता
फेसबुक छ्याता