कोरोना भाइरसया संक्रमण जुइके मबीत थथें माःगु पलाः न्ह्याकेत सर्वोच्च अदालतं अन्तरिम उजं ब्यूगु दु ।
अधिवक्ता पूर्ण राजवंशीं आइतबार कोरोनाया संक्रमण नियन्त्रणया नितिं थथें माःगु उपायत थथें यायेमाःगु मागनापं सर्वोच्चय् रिट दायर यानादीगु खः ।
वयेकलं प्रधानमन्त्री व मन्त्रीपरिषद ज्याकू, स्वास्थ्य मन्त्रालयनापं विपक्षी देका दायर याःगु रिटय् न्यायाधीश तेजबहादुर केसीया इजलासं सुनुवाई याःसें सरकारया नामं अन्तरिम उजं ब्यूगु खः ।
चीनय् महामारी व हलिंया ५७ गु स्वयां अप्व देसय् कोरोना भाइरसया संक्रमण जुयाच्वंगु दु । नेपालय् छम्हेसित संक्रमण पुष्टि जूगु दुसा वयेक उपचारलिपा क्वलाना छें लिहाँ वनेधुंकुगु दु ।
छ्याता
फेसबुक छ्याता