येँ महानगरपालिकां कोरोना भाइरस नियन्त्रणया नितिं ३२ गु वडाय् माक्स व स्यानिटाइजर छ्वगु दु । वडाबासीं सम्वन्धित वडा कार्यालयपाखें थूगु मास्क निःशुल्क प्राप्त यायेफइ ।
महानगरया आकस्मिक कार्यपालिका बैठकं उगु सामग्री वडाय् छ्वयेगु क्वःछ्यूगु खः । उगु सामग्री वडाय् गठन यानातःगु विपद् ब्यवस्थापन व नागरिक सुरक्षा समितिपाखें इनेत्यंगु दु ।
हरेक वडा नापं वातावरण ब्यवस्थापन विभागया लागिं स्वद्ध माक्स छ्वयागु महानगरया शहरी स्वास्थ्य विभागया प्रमुख नरेन्द्रविलाश बज्राचार्यं न्ह्यथनादीगु दु । महाशाखां शहरी स्वास्थ्य क्लिनिकया अतिरिक्त मेगु थीथी नीछगू थासय् स्वास्थ्य सहायता कक्ष सञ्चालनया तयारी याःगु दु । स्वास्थ्य सहायता कक्षय् माक्स, साइनेटाइजर, प्रचार सामग्री, थर्मल मिटर तकं तयातःगु दु । येँ महानगरपालिकां वंगु शुक्रवाः निसें राष्ट्रिय सभागृहय् स्वास्थ्य सहायता कक्ष सञ्चालन याःगु दु ।
छ्याता
फेसबुक छ्याता