ब्रिटेनया प्रधानमन्त्रीयात नं कोरोना सङ्क्रमण (भिडियाे नाप‌ं)


निन्हु न्ह्यः जक ब्रिटेनया राजकुमार चार्लस् यात कोरोनाभाइरस सङ्क्रमण जूगु औपचारिक पुष्टि लिपा ब्रिटिश प्रधानमन्त्री बोरिस जोनसनयात नं कोरोना भाइरस सङ्क्रमण जूगु डाउनिङ्ग स्ट्रीटं न्ह्यथंगु दु ।

जोनसनं थःत कोरोना भाइरसया मध्यम कथंया लक्षणत खनेदूगु व डाउनिङ्ग स्ट्रीटय् हे याकःचा च्वनेगु न्ह्यथंगु दु ।
प्रधानमन्त्री ज्इाकुया विज्ञप्तिइ इङ्गल्यान्डया प्रमुख स्वास्थ्य अधिकारी प्राध्यापक क्रिस ह्विटीया सल्लाह कथं कोरोनाभाइरस परीक्षण याःगु खः ।

मफूसां वयेकलं हे सरकारया नेतृत्व याना थ्व विपतया सामना यायेगु विज्ञप्तिइ न्ह्यथनातःगु दु । वयेकःयात गुबलय् व गथे याना संक्रमण जुल धैगु आः तक सीमदुनि ।

ब्रिटेनन्यंकं ११ द्व ६ स म्हेसित कोरोनाभाइरसया संक्रमण पुष्टि जूगुली ५७८ म्हेसिया ज्यान वंगु दु ।

Share on Google Plus

News: Newa News

    छ्याता
    फेसबुक छ्याता