थाैं नातिकाजी श्रेष्ठया जन्मजयन्ती । नेपाली संगीतया अमर स्रष्टा श्रेष्ठया जन्मजयन्ती थीथी ज्याझ्वः याना न्यायेकाच्वंगु दु ।
१९९२ साल पुष ३ गते यलया पुल्चोकय् बुम्ह नातीकाजी चिधिकःगु इलं निसें सांगीतिक लागाय् जुयादिल ।
२०३४ सालतक रेडियो नेपालय् सुब्बास्तरय् जागिर यानादिल । शाखा अधिकृत जुया उपसचिव स्तरीय संगीतकारय् नियुक्त जुयादिल ।
वयेकःया नेपाली हामी रहौँला कहाँ नेपालै नरहे म्ये तसकं लाेकंह्वाः । वयेकःया संगीतय् पर लैजाउ फूलहरु, फूलको थुंगा बहेर गयो, सपना भुलाई सारा, उकाली ओराली थें जाःगु म्ये लाेकःह्वाः ।
वयेकःया जन्मजयन्तीया अवसरय् सांगीतिक लागाय् योगदान याःपिं विशिष्ट व्यक्तिपिंत सम्मान यायेत्यंगु दु ।
न्हिनय् १ बजे उपराष्ट्रपति नन्दबहादुर पुनया निवास लाजिम्पाटय् विशेष ज्याझ्वः याना सम्मान बीगु नातिकाजी स्मृति समाजया अध्यक्ष वरिष्ठ संगीतकार शम्भुजित बास्कोटां न्ह्यथनादिल । नातिकाजी राष्ट्रिय विशेष संगीत सम्मानपाखें नातिकाजीया समकालीन समबहादुर मल्लयात सम्मान यायेत्यंगु खः ।
छ्याता
फेसबुक छ्याता