बलात्कारया द्वपं नापं कृष्णबहादुर महराविरुद्ध प्रहरीइ उजुरी लाःगु दु । आः महरायात प्रहरीं ज्वना अनुसन्धान न्ह्याकिगु सम्भावना अप्वगु दु ।
पीडित राेशनी शाहीं थःम्हं हे जबरजस्ती करणीया कुतः याःगु द्वपं नापं महानगरीय प्रहरी वृत्त बानेश्वरय् उजुरी ब्यूगु खः ।
न्हापांगु खुसि १३ असोजय् शाही थःत बलात्कार याःगु धासें सञ्चारमाध्यमय् वःगु खः । वयाँ लिपा महराया राजीनामा वःगु खःसा वयां लिपा शाहिया बयान हिलावंगु खः । भात नाप सहलह यायेगु धाम्ह शाहीयात भातमं पारपाचुके यायेगु धासेंलि हानं शाहीं प्रहरीयात उजुरी तःगु खः ।
प्रहरीया कथं थ्व विषयलय् विस्तृत अनुसन्धान जुयाच्वंगु दु । कल डिटेल रेकर्ड (सीडीआर), सीसी टीभी फुटेज व मेमेगु प्राविधिक पक्षया विश्लेषण जुयाच्वंगु प्रहरीया दाबी दु । फाेरेन्सिक जाँच तकं जुइगु धाःगु दु ।
मानवअधिकार आयोग तकं अनुसन्धानबारे प्रहरीनापं जानकारी फ्वंगु दुसा अनुगमन पुचः तकं दयेकुगु दु ।
छ्याता
फेसबुक छ्याता