थ्व हे लुमन्तिं धिरेन शाक्ययात गुलि थाकुइ धयागु “थौं हाकनं छंगु लुमन्ति” बोलया म्येय् स्वय् दइगु जूगु दु । नविन महर्जनया सलय् हालातःगु थुगु म्येय् धिरेन शाक्यया लुमन्तिइ शोभा महर्जन वइ । धिरेन शाक्य व शोभा महर्जनया थुगु केमेस्त्री निर्देशक सुरज नापित गुकथं क्यनादिल व स्वयेत यक्व पी म्वाले धुंकल । थुगु म्ये मंगलबाःया बहनी ८ः३० बजे नेपालमण्डलं न्हापांगु खुसिइ क्यनेत्यंगु दु, वा धाये प्रिमियर जुइत्यगु दु ।
पोखरा, बन्दिपुर व थीथी थासय् काःगु ल्वःवनापुसे च्वंगु लू दुथ्याःगु थुगु म्येय् ज्वःमदुगु दृश्यत दुथ्याकागु प्रोडक्सनया दाबी दु । नेपालभाषाया ख्यलय् ड्रोनया छ्यलाबुला जूगु म्येत म्हो हे दइ । थुगु म्यूजिक भिडियोलय् थौंकन्हेया आधुनिक प्रविधिया छ्यलाबुला जूगुलिं म्ये स्वयेसाथ थुकिया गुणस्तर सी दइ ।
दिल कृष्ण प्रजापतिया च्वसाय् सुमन कपालीया लय् व संगीत संयोजनय् वःगु थुगु म्येयात लूनिभाः प्रोडक्सनं न्ह्यब्वःगु दु । बिके जल्मीया छायांकन व सम्पादन दूगु थुगु म्येय् समा उमिसा पाण्डेया दुसा वसः गीफ्ट नेपालया दु । थुगु म्येयात युट्यूबय् नं तइगु निर्देशक नापितं न्ह्यथनादीगु दु ।
छ्याता
फेसबुक छ्याता