ज्यापू महागुथिया पुलाम्ह नायः बिपिन्द्र महर्जनया बिदाइ


११३९ कछलाथ्व एकादशी : ज्यापू महागुथिया पुलाम्ह नायः बिपिन्द्र महर्जनया थाै‌ं अन्त्यष्टि जुल । बिहिबार सुथय् ८ ताः इलय् पशुपति आर्यघाटय् वयेकया अन्तिम संस्कार जुगु खः ।
८२ दँ फुना ८३ दँ क्यंम्ह वयकः वासः याकाच्वच्वं बुधबाः मदुगु खः । दम व लिपा पिसावया ल्वच्वं याना वयेकःयात वासाः याकाच्वंगु खः ।

ज्यापु महागुथिया वरिष्ठ संस्थापक नापं दकलय् न्हापाम्ह नायः महर्जन बाैद्ध विद्वान तकं जुयादि । बाैद्ध जागरण, नेवाः जागरण नापं राजनितिक जागरणया ख्यलय् वयेकया ज्वः मदुगु याेगदान दुगु ज्यापु महागुथि नेपाःया केन्द्रिय नायः राजभाइ जकमी न्ह्यथनादिल ।

साहित्यकार नापं वामपन्थी नेता वयेकयात ज्यापु महागुथिया ध्वाँय् न्ययेका सम्मान याःगु खः ।

वय्कःया स्वम्ह काय् व निम्ह म्ह्याय दु ।
Share on Google Plus

News: Newa News

    छ्याता
    फेसबुक छ्याता