नेपालं एसीसी यू–१६ पूर्वी क्षेत्रीय क्रिकेट धेधेबल्ला त्याःगु दु । डिफेन्डिङ च्याम्पियन नेपालं मलेसियायात फाइनलय् ५९ रनं बुकुगु खः ।
थाइल्यान्डय् क्वचाःगु फाइनल कासाय् १४१ रनया आज्जू नापं ब्याटिङ याःगु मलेसियां ३४.५ ओभरय् फुक्क विकेटया क्षतिइ ८१ रन जक देकेफत ।
मलेसियाया मोहम्मद हजिक ऐमानं १८ व वान मोहम्मद अजामं १६ रन देकुगु खः । अथेहे जिनेन्द्र मुरलीं १४ रन देकुगु खः ।
२१.५ ओभरय् न्ह्ययेगु विकेट तंका मलेसियां च्यागु विकेटया नितिं मोहम्मद हजिक ऐमान व जिनेन्द्र मुरली २८ रनया साझेदारी म्हितुगु खः ।
नेपाःया विशालकुमार पटेलं प्यंगु व दीपक बोहरा स्वंगु विकेट काःगु खः ।
न्हापा ब्याटिङ याःगु नेपालं ३५ ओभरय् ९ विकेट तंका १४० रन देकुगु खः ।
नेपाःया नितिं प्रशान्त महतं सर्वाधिक ४० रन देकुगु खः । दीपक बोहरां २३, विशाल विक्रम केसीं १७ व निखिल कुमार सिंहं १३ रन देकुगु खः ।
0 Comments:
Post a Comment