फुटबलया तधंहु कुम्भमेला हलिं भकु्रग्वारा धे्धे्बल्ला वल्र्डकप फुटबलय् मेसिया निराशाजनक प्रदर्शनी फुक्क हैरान जुगु दु । अर्जेन्टिनायात सपोर्टयानाच्वपिं यक्व धैथें मनुत मेसिया कासां अर्जेन्टिना ययेकाच्वंपिं खः । तर थौंया न्हापांगु कासाय् हे मेसिं अपूक वःगु पेनाल्टी तकं सदुपयोग याय् मफुत । दिएरियाय् ब्वाय् वनाच्वंगु इलय् दम्ह अर्जेन्टिनी कासामिया नितिं रेफ्रिं पेनाल्टी ब्यूगु खः । तर मेसिं बल याउँक हे आइसल्याण्डया गोलकिपरयात लःल्हात ।
वल्र्डकपया महान कासामि कथं कयातम्ह पोर्चुगलया रोनाल्डों म्हिगःया कासाय् पेनाल्टी नापं ह्याट्रिक हे यात । उगु कासा लिपा मेसियात तधंगु दबाब जुइगु फुटबल विष्लेशकतयेसं न्ह्यथंगु कथं मेसि धाथें दबाबय् लाःगु ला मखुला । पेनाल्टी जक मखु अपूगु प्रतिद्वंदी आइसल्याण्ड विरुद्ध छगु हे गोल याय् मफुत ।
थ्व कारणं आइसल्याण्ड व अर्जिन्टिना १ १ या बराबरी म्हितल । अर्जेन्टिनाया सर्जियो अग्विरों १९मिनेटय् गोल याना अर्जेन्टिनायात अग्रता ब्यूगु खः । तर आइसल्याण्डया एलफ्रीयो फीनबोगासनं २३ मिनेतय् गोल याना बराबरी कायम याय्फत । मेसिं पेनाल्टी जक मखु फ्रीकिक तकं जादु क्यने मफुत ।
0 Comments:
Post a Comment