न्यू इयरया देछा कथं संजीप प्रधानया न्हूगु म्यूजिक भिडियो सार्वजनिक


लोकं व्हाःम्ह म्येहालामि संजीप प्रधानं थः फाय्नतय्गु नितिं न्यू इयर सन् २०१८ या देछा कथं थःगु छपु न्हूगु म्यूजिक भिडियो ‘झोला’ सार्वजनिक यानाद्यूगु दु । 

सन् २०१३य् गायक प्रधानं पिथनादीगु म्येचाः पाठशालाया झोला म्ये थःगु नेपालया फाय्नतय्गु नितिं सार्वजनिक यानाद्यूगु खः । थौंकन्हय् अमेरीकाय् च्वंच्वनादीम्ह गायक प्रधानया थुगु म्येचाः न्हापा वय्कः नेपालय् हे दुबलय् पिदंगु खःसा म्यूजिक भिडियो धाःसा आः जक सार्वजनिक जूगु खः ।



न्हूगु म्यूजिक भिडियो ‘झोला’या सुटिङ नेपाल व अमेरीका निथासं यानातःगु दु । मोडलयागु ब्व दक्वं सुटिङ नेपालय् यानातःगु खःसा गायक प्रधानया ब्व धाःसा अमेरीकाया बाल्टिमोरय् सुट जूगु खः । नेपालया ब्वया छायांकन उज्वल जोशीं यानाद्यूगु खः । अमेरीकाया ब्वया छायांकन अंजित शाक्यं यानाद्यूगु खः । दृश्य सम्पादन लिसें कलर करेक्सनया ज्या सुनिल श्रेष्ठं यानादीगु दु । म्यूजिक भिडियो निर्देशनया ज्या सुजाता श्रेष्ठं यानाद्यूगु दु ।

संजीप प्रधानया न्हूगु म्यूजिक भिडियोया शुरुइ हे स्वकुमिपिन्त २५दँ न्ह्यःया इलय् छकः थ्यंकाबी । म्येया शुरुइ हे गायक प्रधानया २०५१ सालय् पिदंगु न्हापांगु याकः म्येचाः ‘नशा भित्र’या अतिकं लोकं व्हाःगु, संजीप प्रधानया सिग्नेचर म्ये ‘देउरालीको चौतारीमा’ नं थ्वयाच्वंगु दइ । छम्ह ल्याय्म्ह छगू चौतारीइ फ्यतुनाच्वंगु लुइ उगु म्ये थ्वइबलय् म्येया स्वकुमिपिन्त थःगु कलेज वा स्कूलया इलय् थ्यंकाबी ।
न्हूगु रिलिज जूगु म्यूजिक भिडियोया म्ये ‘झोला’ हालेगुया नापं लय् व च्वयेगु ज्या नं गायक प्रधान थम्हं हे यानाद्यूगु खः ।



गायक प्रधानं थः थौंकन्हय् नेपालं तापानाच्वंसां थःगु नुगः नेपालय् हे दुगु व थम्हं थः नेपाःमि पासापिनिगु नितिं इलय् ब्यलय् थुकथं हे सांगितिक देछा बिया हे च्वनेगु धयादिल । थुगु म्येयात न्यनाः स्वयाः थःत सल्लाह सुझाव बीत नं म्येहालामि प्रधानं सकलसित इनाप यानादिल ।

Share on Google Plus

News: Tuladhar Bigen

    छ्याता
    फेसबुक छ्याता

0 Comments:

Post a Comment