स्वक्वगु मिस ज्यापु ब्यूटि प्याजेन्ट २०१७ जुइगु आयोजक नासः मण्डलं वंगु आइतबा: पत्रकार सम्मेलन याना धोषणा याःगु दु ।
मिसाया सुन्दरता शारिरिक ग्लयामर जक मखुसे बौद्धिक सोचविचार, शीप, कला व सुसंस्कार जुगु अवधारणां अभिप्रेरित जुया ज्यापु जातिया मिसावर्गयात उत्थान याय् कथं २०६९ असार २ गते न्हापांगु मिस ज्यापु जुगु खः । २०७० सालय् निक्वगु खुसि मिस ज्यापु जुगु खःसा आः स्वक्वगु खुसि ग्वसा ग्वय्त्यनागु नायः महेन्द्रराज डंगोलं न्ह्यथनादिल ।
ज्यझ्वलय मुपाहाँ कथं तेज तिर्थ ट्रस्टया नाय: नापं पुलांम्ह राज्यमन्त्री तिर्थ राम डंगोल झाया दिगु ख:सा पाहाँ कथं मिस ज्यापु २०१६ निर्जला महर्जन, बरिस्ठ फोतोग्राफर राजभाई सुवाल, जिबेस्वरलाल श्रेष्ठ, कोरिओग्रफर रोजिन शाक्य, ज्यापू महागुथिया नाय: राजभाई जकमि, नारायण परिवार क्लबया नाय: प्रचण्डमान बज्राचार्य, ज्यापु संस्कृति बिकाश कोषया नाय: मंगल कृष्ण सिंह, नेवा: मिडिया क्लबया नाय: नबिन जोशी, संस्कृति अन्वेसक एका राम सिंह, ज्यापु संस्कृति बिकाश कोषया पुलांम्ह नाय: मदुम्ह चक्रमान डंगोलया तिरिमय्जु लक्ष्मी डंगोल, ज्यापु महागुथी यें मनस नाय: बाबुराजा महर्जन, न्वकु नानी हेरा महर्जन लिसेंया व्यक्तित्वपिं झागु ख: ।
ज्याझ्वलय् ब्वति काय्त ज्यापु समुदायया सिंह, सुवाल, डंगोल, महर्जन, प्रजापति, मुनिकार, अवाले, किसान, मालाकार, तन्डुकार, व्यञ्जनकार, बलामि, गोपाली, पहरी व श्रेष्ठ मुलया ज्यापु मय्जुपिंसं ब्वति काय् खनिगु ग्वसा खलकं न्ह्यथंगु दु । मिस ज्यापु त्याम्हेसित ५०,००० तका नाप मेमेगु पुरस्कारया व्यवस्था दु । अथेहे लिउ व लियाँल्यु त्याःपिंत २५,००० व १५,००० सिरपा बीगु नापं मिस ट्यालेन्टयात १०,००० तका सिरपा बीगु ग्वसा खलकं न्ह्यथंगु दु ।
१७ दँ निसें २४ दँ दुपिं मय्जुपिंसं ब्वति काय् ज्यूगु थुगु ब्यूटि प्याजेन्टया नितिं लछि यंकं प्रशिक्षण तय् त्यंगु दु । थीथी विधाय् त्यापिंत नं ५,००० तका सिरपा दइसा न्हाप लाम्ह मय्जुयात १४ क्वगु राष्ट्रिय ज्यापु दिवसया एम्बेष्डर देकेत्यंगु दु। अथेहे निशुल्क एअर होस्टेजया तालिमया ह्वताः बीगु ग्वसा ग्वयातःगु दु ।
फारम www.missjyapu.com.np वा www.facebook.com/missjyapu पाखें काय् फइसा फारम दुतिनेगु लिपांगु दिं २०७४ भाद्र २ गते जुगु न्ह्यथंगु दु ।
ज्याझ्व: शर्मिला सुवालं न्ह्याकदिगु ख: ।
0 Comments:
Post a Comment