येँ, ११३७ कछलागा तृतीय, २०७३ मंसिर २
मलेसियाय् क्वचागु एएफसी सोलिडारिटी कप फाइनल त्याकुपिं कासामिपिंत प्रधानमन्त्री पुष्पकमल दाहालं हनादिगु दु ।
प्रधानमन्त्री निवास सचिवालयस खेलकूदमन्त्री दलजित श्रीपाइली नापं ग्वसाग्वगु हना ज्याझ्वलय् प्रधानमन्त्रीं देःया गौरव अप्वयेकुपिं कासामियात भिंतुना देछानादिल ।
२१ दँ लिपा लिपांगु दछिदुने नेपालं तधंगु ३ गु पदक त्यागु दुसा प्रधानमन्त्री दाहालं त्याना नेपाःया गौरव अप्वयेकुगु न्ह्यथनादिल ।
कासामिया प्रोत्साहनया नितिं सरकारं कासामि पतिकं स्वंगु लख तका सिरपा बीगु घोषणा यागु लुमंकुसें प्रधानमन्त्री दाहालं भ्वखाचंं क्षतिग्रस्त रंगशाला देकेज्या न्ह्याः वनेधुंकुगु न्हयथनादिल ।
दशरथ रंगशाला नं चिधं जुइधुंकुगु धासें वयेकलं बृहत रंगशाला देकेया नितिं सरकारं न्याकनं ज्या न्ह्याकिगु विश्वास व्यक्त यानादिल ।
0 Comments:
Post a Comment