न्हुगु नेतृत्व चयनया नितिं निर्वाचन याकेगु एन्फाया सिइओ तुलाधारया न्ह्यथना


विश्व फुटबलया सर्वोच्च निकाय फिफां न्हुगु नेतृत्व चयनया नितिं निर्वाचन याकेगु उजँ पालना यायेगु अखिल नेपाल फुटबल संघ एन्फाया सिइओ इन्द्रमान तुलाधारं न्ह्यथनादिगु दु । थ्वन्ह्यः थौं फिफाया इथिक्स कमिटी व अपिल कमिटीं विधान कथं एन्फाया साधारण सभा याना न्हुगु नेतृत्व चयन यायेगु उजं ब्युगु खः । नापं जेठ १० गते दुने निलम्बनय् लापिं स्वम्ह न्वकु व छम्ह दुजःयात तकं पुर्नबहाली यायेत फिफां उजँ ब्युगु दु ।

फिफाया उजँ लिपा एन्फा सिइओ तुलाधारं एन्फा कार्यवाहक नायः नरेन्द्र श्रेष्ठ फिफाया कांग्रेसय् ब्वति कायेत मेक्सिको वनाच्वंगुलिं वयेक वयेधुंका कानुनी तवरं समस्याया समाधान मालेगु न्ह्यथनादिगु दु । एन्फाया विवादयात सकारात्मक रुपय् क्वचायेकेत तयार जुगु न्ह्यथंसें तुलाधरं विधान भिंका न्ह्याः वनेगु न्ह्यथनादिगु दु । ज्यासना पुचया मूँज्याय् मवगु धासें एन्फा न्वकुपिं कर्मा छिरिङ शेर्पा, विजयनारायण मानन्धर व किशोर राई व दुज पंकज नेम्वाङयात एन्फां  निलम्बन यागु दु ।
Share on Google Plus

News: Newa News

    छ्याता
    फेसबुक छ्याता

0 comments:

Post a Comment