२७ गू दलीय ‘संघीय गठबन्धन’ नं थौं न्हिनेय आन्दोलनया ज्याझ्वः घोषणा याइगु


मंका मधेसी मोर्चा दुथ्यागु २७ गू दलीय ‘संघीय गठबन्धन’ नं थौं न्हिनेय आन्दोलनया ज्याझ्वः घोषणा यायेत्यंगु दु । संघीय समाजवादी फोरमया केन्द्रीय ज्याकू तीनकुनेय् थौं न्हिनय् पत्रकार सम्मेलन याना आन्दोलनया ज्याझ्वः सार्वजनिक यायेत्यंगु खः ।
मोर्चाया नेतातयेसं छुँ दिं थुखे आन्दोलनया तयारीया नितिं येँय् मूँज्या यानाच्वंगु खः । थ्व हे झ्वलय् मोर्चाया नेतातयेसं नेपालय् दुगु विदेशी कूटनीतिज्ञत नाप होटल र्याडिसनय् सहलह तकं यागु खः । कूटनीतिज्ञत नापया सहलहया कन्हेखुन्हु आन्दोलनया ज्याझ्वः घोषणा यायेत्यंगु खः ।
थ्वन्ह्यः मधेसी मोर्चां सरकारयात थःगु मागत सम्वोधन यायेत चैत तकया अल्टिमेटम ब्युगु खः । फ्यानातःगु अल्टिमेटमय् सरकारं माग पूमवंकुगुलिं मधेसी मोर्चां छुँ जनजाति पार्टीत तकं कःघाना २७गु दलीय मोर्चा देका आन्दोलनया घोषणा यायेत्यंगु दु ।
मोर्चां आन्दोलनया तयारी यानाच्वंगु इलय् सरकारी अधिकारीतयेसं धासा थ्व आन्दोलन नं असफल जुइगु दाबी यानाच्वंगु दु । लुमंके बहजू मोर्चा थ्व आन्दोलन येँ केन्द्रित यायेगु धागु दुसा गृहमन्त्रालय नं थुगु आन्दोलनयात बिचा याना येँ नापं स्वनिगःया सुरक्षा व्यबस्था कडा यायेधुंकुगु दु । मधेषी मोर्चा येँ केन्द्रित धासाँ सर्बसाधारण जनतायात धासा हाकनं नाकाबन्दी जुइला धइगु ग्याचिकु द हे दनि ।

Share on Google Plus

News: Newa News

    छ्याता
    फेसबुक छ्याता