कछलागा १४, ११३६ : नेपाल प्रहरीं डिजिटल फरेन्सिक प्रविधि न्ह्याकुगु दु । अपराधये सूचना प्रविधिया छ्यला अप्वसेंलि उकियात नियन्त्रण यायेत प्रहरीं थुगु विधि न्ह्याकुगु खः ।
खुइक्वगु(६०) अपराध अनुसन्धान दिवसया लसताये प्रहरी महानिरीक्षक उपेन्द्रकान्त अर्यालं अपराध अनुसन्धान विभाग, प्रहरी प्रधान ज्याकुथी थौं प्रविधिया उलेज्या यानादिल ।
फेसबुक, इमेल, इन्टरनेट, मोबाइल, ल्यापटप थेंजागु प्रविधिया अनुगमन व अनुसन्धान यायेत ‘डिजिटल फरेन्सिक’ प्रविधि छ्यलेमा ।
थुकथं जुइगु साइबर अपराध पनेत व अनुसन्धान यायेत थ्व प्रविधिया ग्वाहालि कायेत्यंगु खः ।
महानिरीक्षक अर्यालं प्रहरीयात आधुनिकीकरण याना न्ह्यचिलेत थुगु प्रविधि दुकइगु न्ह्यथनादिल ।
0 Comments:
Post a Comment