कछलागा १५, ११३६ : स्वनिगलय् व्यवस्थित आवास देकेया नितिं जग्गा विकास, मंका आवास व सामूहिक आवास याना २२३ गु योजनायात अनुमति ब्युगु दु ।
स्वनिगलय् अव्यवस्थित बसोबास पनाः व्यवस्थित सहर देकेत स्वनिगः विकास प्राधिकरणं थज्यागु अनुमति ब्युगु खः ।
येँ जिल्लाय् जग्गा विकास ३७ गु, संयुक्त आवास ७५गु व सामूहिक आवास ३३गु याना १४५गु यात अनुमति ब्युगु प्राधिकरणया प्रवक्ता केशवप्रसाद न्यौपानें न्ह्यथनादिल ।
अथेहे ख्वपय् जग्गा विकास ८गु, संयुक्त आवास छगु व सामूहिक आवास निगु याना ११ गु योजनायात अनुमति ब्युगु दु ।
यलय् जग्गा विकास ११ गु, संयुक्त आवास २९गु व सामूहिक आवास २७गु याना ६७ गु अनुमति ब्युगु न्ह्यथंगु दु ।
प्राधिकरणं अनुमति बीधुंका सहरी विकास तथा भवन निर्माण विभागं भवनसम्बन्धी व स्थानीय निकाय पाखें नक्सा पास याका देकेज्या न्ह्याइगु प्राधिकरणं न्ह्यथंगु दु ।
0 Comments:
Post a Comment