सामान्य अबस्था थें इन्धन व मेगु मालबाहक सवारी साधन नेपाः दुहाँवल



कछलागा १५, ११३६ : मधेसी मोर्चाया भारत भ्रमण व मू दलनापया सहलह लिपा न्हिथं पनातःगु सीमा नाकाय् पंगः छुँ म्हो जुगु दु । थीथी नाकां इन्धन ज्वना गाडीत नेपाः दुहाँवगु न्ह्यथंगु दु ।
रुपन्देहीया बेलहीया नाका जुया वंगु बहनी १३ गु बुलेट एलपी ग्यास नेपाः दुहाँ वःगु दु । थुगु नाकां म्हिगः न्हिछिइ ८३ गु मालबाहक ट्रक नं नेपाः दुहाँवःगु दु । भारतया अघोषित नाकाबन्दीया हुनिं सिमा नाकां म्होजक इन्धन दुहाँवगु इलय् बहनी अप्व इन्धन दुहाँवःगु सिमा प्रहरी ज्याकू बेलहियां न्ह्यथंगु दु ।
उखे पूर्वी नाका काकरभिट्टां २० गः ट्यांकर इन्धन नेपाः वगु दु । ६ गः ट्यांकर पेट्रोल व १४ गः ट्यांकर डिजेर वगु खः । दुहाँवगु इन्धन थौं सहलह याना मेची अञ्चल दुने जक इनेगु मेची पेट्रोलियम डिलर्स एसोसिएसनं न्ह्यथंगु दु । इन्धन मेची अञ्चलया थीथी पेट्रोल पम्पय् छ्वयेधुंकुगु तर बितरणया बिषयय् थौं सहलह याना जक क्वछिगु न्ह्यथंगु दु । भारतं यागु अघोषित नाकाबन्धि छुँ म्हो नापं झापाय् इन्धन काय् याउँगु न्ह्यथंगु दु ।
अथेहे बाँकेया जमुनाह नाका जुया म्हिगः तधंगु ल्याखँय् इन्धन नेपाः दुहाँवःगु दु । सामान्य अबस्था थें म्हिगः रुपैडिया नाका जुया इन्धन व मेगु मालबाहक सवारी साधन नेपाः दुहाँवगु जमुनाह प्रहरीं न्ह्यथंगु दु ।

Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment