 |
| can.gov.np |
व्यवस्थापिका संसदं राष्ट्रपति व उपराष्ट्रपतिया निर्वाचन कात्तिक ११ गतेया नितिं क्वछिउगु दु । थौं च्वंगु संसद मूँज्याय् सभामुख ओनसरी घर्तीं दलत दथुइ सहमतिइ राष्ट्रपति व उपराष्ट्रपति ल्ययेगु नितिं कात्तिक ८ गते व सहमति जुइ मफुसा चुनावया नितिं कात्तिक ११ या तिथी क्वछिउगु खः । संवैधानिक व्यवस्था कथं संसद अधिवेशन न्ह्याःगु लटि दुने राष्ट्रपति व उपराष्ट्रपतिया निर्वाचन यायेमागु प्रावधान दु । संसद मूँज्या असोज १५ गतनिसें च्वंगु खः । संविधानया संक्रमणकालिन व्यवस्थाया धारा २९७ या उपधारा २ कथं राजनीतिक सहमतिइ राष्ट्रपति व उपराष्ट्रपति ल्ययेत कात्तिक ८ गते आईतबार न्हिनय् ४ ता इ तक ई व्युगु दु । अथे मजुसा धारा २९७ या उपधारा ३ कथं व्यस्थापिका संसदय् दुजः ल्याः कथं निगुलिं पदया निर्वाचन जुइ । निर्वाचन प्रयोजनया नितिं संसदं महासचिव मनोहरप्रसाद भट्टराईयात निर्वाचन अधिकृत देकुगु दु । निर्वाचन कात्तिक ११ गते ११ ता इलय् जुइ ।
0 Comments:
Post a Comment