संविधानसभाय् नेपालया संविधानया परिमार्जित बिधेयक २०७२ य् दफावार सहलह न्ह्यागु दु । सुथ ११ इलय् ब्वनातगु मूँज्याये आन्तरिक तयारी मगागु धासें न्हिनय् २ ता इलय् लिहाँवंगु खःसा ३ः३० इलय् जक न्ह्यागु खः ।
संविधान मस्यौदा समितिया सभापति कृष्ण सिटौलां न्ह्यब्वगु परिमार्जित बिधेयक २०७२ या दफावार सहलह यायेगु प्रस्ताव बहुमतं पारित यायेनापं मूँज्याय् संविधानया बिधेयय् सहलह न्ह्यागु खः । प्रस्ताव प्रस्तुत यासें सभापति सिटौलां संविधान देकेगु झ्वलय् समस्यात वसां संविधानसभां हे संविधान जारी यायेगुया पलेसा मदुगु न्ह्यथनादिल । मधेश केन्द्रित दलतय्सं असन्तुष्टि प्वंकुसें संविधान निर्माण प्रक्रिया बहिस्कार यासां बिधेयक सहमतिया दस्तावेज जुगु दावी यासें वयेकलं संविधानसभां पिने च्वना समस्या समाधान मजुइगु न्ह्यथनादिल । संविधान देकेगु प्रक्रियायात लिच्व बीत देसय् स्थायीत्व कायम यायेमागु न्ह्यथंसें कंग्रेस महामन्त्री तकं जुयादिम्ह सभापति सिटौलां फुक्कस्या ग्वाहाली मागु न्ह्यथनादिल ।
मूँज्याय् आ बिधेयकय् दर्ता जुगु संसोधन प्रस्तावत न्ह्यब्वयाच्वंगु दु । सहलहस ब्वति कासें कंग्रेसया सूर्यमान गुरुङ्गं संविधानसभा हयेत आदिवासी जनजातीतयेगु तधंगु योगदान दुगु न्ह्यथंसें संविधान देके प्रक्रियाय् ब्वति कायेका इमिगु योगदानया कदर यायेत माग यागु दु ।
थ्व दथुइ संविधानसभा नाय सुवास नेम्बाङ्गं दफावार सहलहस न्ववाये मन दुपिं सभासद्पिंत सनिलया ७ ता इ दुने थगु नां बीत ई बियादिगु दु ।
संविधान विधेयकय् लाःगु संशोधन कथहं न्ह्यब्वयेधुंका संशोधन व विधेयकया दफाय् छक्वलं सहलह जुइ । संविधानसभा नाय सुवास नेम्वाङ्गं संशोधन दर्ता याकुपिं सभासद्तयेत थपिनिगु संशोधन पेश यायेत ७ गु व सहलहस ब्वति कायेत ५ मिनेट इ बीगु तयारी यागु दु ।
0 Comments:
Post a Comment