संविधान घोषणाया लागि राष्ट्रपतियात ब्वनापौ


नेपाया न्हुगु संविधान घोषणाया लागि संविधान सभाया नाय सुवास नेम्वाङं राष्ट्रपति डा रामवरण यादवयात ब्वनापौ छ्वयादिगु दु ।
वैगु असोज ३ गते संविधान सभाय् उपस्थीत जुया संविधान घोषणा यायेत सभाध्यक्ष नेम्वाङं राष्ट्रपति यादवयात मंगलबार नापलाना ब्वनापौ बियादिगु खः । ब्वनेत सभाध्यक्ष नेम्वाङ राष्ट्रपतिया ज्याकु शितलनिवास ११ः३० इलय् थ्यंगु खः ।
संविधानसभां वइगु नेपाया संविधान २०७२ असोज ३ गते सनिलया ५ ता इलय् संविधानसभां जारी जुगु घोषणा यायेत्यंगु दु ।  
संविधानसभां फुक्क धारा पारित जुइधुंका संविधान विद्ययकय् फुक्क सभासद्तयेसं ल्हाचिं तयादि । फुक्क सभासद्तय्सं ल्हाचिं तयेधुंका संविधान विद्ययकयात संविधानसभाया नाय सुवास नेम्वाङं प्रमाणीकरण यानादि ।
सभाध्यक्षया प्रमाणीकरणलिपा उगु विद्ययकयात असोज ३ गते संविधानसभा भवने हे राष्ट्रपति डा. रामवरण यादवं नेपाया संविधान २०७२ कथं घोषणा यानादि । राष्ट्राध्यक्षपाखें घोषणा जुइधुंका न्हुगु संविधान लागु जुइ ।
Share on Google Plus

News: Newa News

    छ्याता
    फेसबुक छ्याता