शिर्ष नेतातयेगु मूँज्या सनिलया ५ ता इलय्

 

मू प्यंगु दलं असन्तुष्ट पक्षया माग सम्बोधन यायेत थौं नं आन्तरिक सहलहयात निरन्तरता ब्युगु दु । आ बार्ता गथे न्ह्याकेगु धइगु बिषयलय् निगुगु तहया नेतातयेगु, असन्तुष्ट दल व समुदायया माग सम्बोधन यायेगु बारे सहलह जुयाच्वंगु दु । मु दलत असन्तुष्टया माग सम्बोधन यायेगु कथं संविधान मस्यौदा विधेयकय् मंका संशोधन प्रस्ताव दर्ता यायेगु तयारी यानाच्वंगु दु ।
थौं न्हिछि आन्तरिक, द्विपक्षीय व बहुपक्षीय सहलह याना कन्हेतक संशोधन प्रस्तावयात एकरुपता बिया दर्ता याकेगु तयारी कथं सहलह जुयाच्वंगु नेपाली कांग्रेसया उपसभापति रामचन्द्र पौडेलं न्ह्यथनादिगु दु ।
म्हिगः च्वंगु कांग्रेस, एमाले, एकीकृत माओवादी व जनअधिकार फोरम लोकतान्त्रिकया मूँज्यां विधेयक संशोधनया इलय् हे असन्तुष्ट पक्षयात न कघायेगु पहल यायेगु निर्णय जुगु खः ।
न्ह्यगु प्रदेशया सीमाङ्कनया खाकाप्रति असन्तुष्टि प्वंकाच्वंगु थरुहट व मधेस केन्द्रित दलं आन्दोलन यानाच्वंगु दु । थौं लिबाक्क जुसां बार्ताया नितिं मंका धारण तय याय्गु कथं आ सहलह यानाच्वंगु दु ।
थ्व दथुइ प्यंगु दलया नेतातयेसं बार्ताया नितिं तयार यागु खाकाया बिषयलय् सहलह यायेत शिर्ष नेतातयेगु मूँज्या सनिलया ५ ता इलय् बालुवाटारय् च्वनिगु जुुगु दु । असन्तुष्ट पक्षनाप कन्हेतक बार्ताय् च्वनेगु तयारी यानाच्वंगु दु । 
Share on Google Plus

News: Newa News

    छ्याता
    फेसबुक छ्याता