नेवाः जागरण मञ्चया ग्वसालय् समाजसेवी दिलशोभा श्रेष्ठयात ब्यूगु द्वंपयात कया सहलह ज्याझ्वः

नेवाः जागरण मञ्चया ग्वसालय्  समाजसेवी दिलशोभा श्रेष्ठयात ब्यूगु द्वपंयात कया सहलह ज्याझ्वः 
 

येँ, फागुन २३ शुक्रवाः। नेवाः जागरण मञ्चया ग्वसालय् थौं येँया दरवार ब्याङ्केट रविभवनय् आमाघरया संस्थापक समाजसेवी दिलशोभा श्रेष्ठयात ब्यूगु द्वपंयात कया सहलह ज्याझ्वः जूगु दु ।

फागुन १४ गतेया छगू न्हिपतिइ वगु छगू बुखँय वयेकयात थीथी द्वपं ब्यूगु यात कया उगू ज्याझ्वलय् न्ववाना दिपिं दक्को वक्ता तयसं उगू द्वपं आधारहीन व वयेकया विरुद्धया छगू षडयन्त्र जक खः धागू दु । लिसें उगू न्हिपतिइ बुखँ वये धुंका सरकारं आमाघरया मस्तयेत रेस्क्यूया नामय् मेगु बालगृहय् तय् यंकूगुयात न कुँखिंउगु दु ।

उगू न्हिपतिं दिलशोभा श्रेष्ठयात ब्यूगु यौन दुराचारया द्वपं प्रमाणित याये मफूसेलिं आ वयेकयात मेमेगु द्वपं बिया च्वंगू यात "अयला लू वम्ह मयजुया ग्वालि तःज्या" धैथे जक ख: धका कूँखिंगु दु ।

थुगु बुखँ वये धुंका पत्रकारिता ख्यःहे बदनाम जूगु न्ह्यत्थंसें आ दिलशोभा श्रेष्ठयात जूगुया क्षतिपूर्ति उगू पत्रिकां बीमाःगु नं माग यागू दु । उगू ज्याझ्वलय् दिलशोभा श्रेष्ठं तसकं भावविह्वल जूया थम्हेस्या छुँ हे अपराध मयानागू धया दिल ।

नेवाः जागरण मञ्चया नाय: भाजु सुजीव बज्राचार्यया नाय:सुई जूगु उगु ज्याझ्वलय दिलशोभा श्रेष्ठया किजा दिलगोपाली श्रेष्ठ, मुक्ति प्रधान, डा.विजय सैंजु, तीर्थराम डंगोल, मल्ल के सुन्दर, डा.महेशमान श्रेष्ठ, सुरेशकिरण मानन्धर हिसिला यमि, रामवीर मानन्धर, डा. चुन्दा वज्राचार्य, व स्थानीय मुकेश श्रेष्ठ पिन्सं न्ववाना दिगू खः ।




उगू ज्याझ्वःया पूवंक अडियो रिकर्ड  http://newasainternetradio.blogspot.com ब्लगय् छिं क्लिकयाना न्यना दिईफइ ।
संकिपा(भिडियो) या नितिं क्वे क्लिक याना दिसं। 


Share on Google Plus

News: raj shrestha

    छ्याता
    फेसबुक छ्याता