एमालेयात गृह बिगु सहमति जुगुमरु : न्हूम्ह प्रधानमन्त्री सुशिल कोइराला

"एमाले यात गृह बिगु सहमति जुगुमरु", न्हूम्ह प्रधानमन्त्री सुशिल कोइराला धागु दु। संविधानसभाया न्हु बानेश्वर जुगु बैठक लिपा पत्रकारतलिसें खँल्हानादिसें थो खँ धयादिगु ख:। थ्वहे झ्वले वेकलं याकनं हे न्हु सरकार गठन जुइगु खँ न जानकारी बियातःगु खः ।नापं विनाविभागीय मन्त्री ,कांग्रेसया बार्ता टोलीया दुज डा. रामशरण महतं एमाले यात गृह बीगु छुं कथंया खँ मजुगु जानकारी बियादीगु खः।

सुशिल कोइराला गुबले छु छु जुल ?

– २०३४ सालय् भारतया पटनाय् जूगु पार्टीया तःमुँज्याय् केन्द्रीय समितिइ मनोनित
– २०४८ सालया झापा महाधिवेसन व २०५९ स जूगु केन्द्रीय समिति पुनःगठनय् मनोनित
– २०५३ सालय् येँय् जूगु महाधिवेसनय् मध्यपश्चिमपाखें केन्द्रीय समितिइ निर्वाचित
– २०५५ असोज २० गते पार्टीया उपसभापतिइ मनोनित
– २०५६ श्रावण १० गते पार्टीया महामन्त्रीइ मनोनित
– २०५७ सालय् पोखराय् जूगु महाधिवेसनय् केन्द्रीय समितिइ निर्वाचित
– २०५७ साल जेष्ठ १७ गते महामन्त्रीइ मनोनित
– पार्टीया ११ क्वःगु महाधिवेसनय् केन्द्रीय दुजःलय् निर्वाचित लिसें उपसभापतिइ मनोनित
– २०६४ साल असोजय् जूगु निगू पार्टी एकीकरणधुंकाः कार्यवाहक सभापति
– २०६८ असोज ५ गते जूगु पार्टीया १२ क्वःगु महाधिवेसनं सभापतिइ निर्वाचित
– २०७० माघ २७ गते व्यवस्थापिका संसद्या चुनावं देय् या न्हूम्ह प्रधानमन्त्री

Share on Google Plus

News: Tuladhar Bigen