वाइल्ड लाइफ व कासा पर्यटन प्रवर्द्धन याना किसि महोत्सव

नेपाया पर्यटकीय लागा चितवनया सौरहाय झिक्वगु ‘चितवन किसी महोत्सव’ ग्वसा ग्वगु दु । क्षेत्रीय होटल संघ चितवनया ग्वसाले जुइ त्यंगु महोत्सव पुस ११ निसें १५ गते तक्क सञ्चालन जुइत्यंगु दु । देदसं ग्वसा ग्वयावयाच्वंगु किसि महोत्सवं वाइल्ड लाइफ व कासा पर्यटन प्रवर्द्धनय महत्वपूर्ण भूमिका म्हिता वयाच्वंगु दु ।
किसि महोत्सवं चितवन लागाया जक मजुसे फुक्क नेपाया पर्यटन प्रवर्द्धनय ग्वाहाली याना वयाच्वंगु संयोजक नापं पर्यटन व्यवसायी केशवराज पाण्डेया न्ह्यथना दु । यें पत्रकार सम्मेलन याना अन किसि महोत्सव नेपाया ब्रान्ड जुइत ता: लागु दाबी तकं यानादिल।
किसि ब्वाज्या व फुटवल धेंधेंबल्ला मनोरञ्जनात्मक कासा ख: । मनोरञ्जनात्मक कासा जुसां चितवन लागाया पर्यटन प्रवर्द्धन व जंगली जनावरया संरक्षणया नितिं किसि महोत्सवं ग्वाहाली याना वैच्वंगु दु । महोत्सव चितवनया पर्यटन व्यवसायीतयेगु नितिं महत्वपूर्ण पर्वथें जुगु दु । महोत्सवया मू आकर्षण किसि ब्वाज्या व किसि फुटबल हे ख: । थ्व नापं महोत्सव दुने किसि सौन्दर्य धेंधेंबल्ला, द्वं गाडा ब्वाज्या, सल गाडा ब्वाज्या, क्यानोनिङ ब्वाज्या नापं थीथी राष्ट्रिय व स्थानिय कलाकारपाखें सांस्कतिक ज्याझ्व ग्वसा ग्वैगु महोत्सव मिडिया संयोजक केशव पाण्डे न्ह्यथंगु दु ।
Share on Google Plus

News: Newa News

    छ्याता
    फेसबुक छ्याता