रुपन्देहीया कञ्चन गाउँपालिकां धाःसा कि मुंका हःसा प्रतिकिलो ३० ता बीगु क्वछिनागु गाउँपालिका अध्यक्ष गोकर्णबहादुर क्षेत्रीं न्ह्यथनादिल । थ्व न्ह्यः प्रदेश ५ या भूमि व्यवस्था मन्त्रालयं किसानं कोबुइँचा मुंका हःसा वडा ज्याकुथिं प्रतिकिलो २० तका बीगु न्ह्यथंगु दु ।
कोबुइँचा भारतं नेपाः दुहाँ वयेधुंकुगु दु । कृषि वैज्ञानिकतयेसँ थ्व कि दुहाँ वःगु नाका व ल्याःया बारे अध्ययन न्ह्याकुगु दु ।
प्रदेश २ नापं प्रदेश ५ या थीथी जिल्लाय् थ्व कि लखँ लख खनेदत । थ्व झ्वलय् कोबुइँचा खनेदःसा मेथानोल ३ एम एल, १ लिटर लः वा क्लोरोपाइरिफस नांया विषादी २ एमएल प्रति लिटर लखय् तया विषादी स्प्रे यायेत इनाप याःगु दु ।
गाउँपालिकां तरकारी बाली, वा बालीया पुसा व मेगु बाली बचेयायेत झुल वा जाली तयेत व थःगु लागाय् कि खनेदःसा तःधंगु सः वा कुँ वयेकेत नं इनाप याःगु दु ।
छ्याता
फेसबुक छ्याता