हुल याना होली म्हितेत येँ जिल्ला प्रशासन ज्याकुथिं निषेध याःगु दु । अथेहे, सार्वजनिक रुपं हनीगु ज्याझ्वःत तकं स्वीकृति मबिइगु धाःगु दु ।
समितिया बुधबाः न्हिनय् च्वंगु मूज्यां जिल्ला सुरक्षा समन्वय पाखें कोरोना भाइरस संक्रमणयात ध्यानय् तयाः थ्व निर्णय याःगु खः ।
येँया प्रमुख जिल्ला अधिकारी जनकराज दाहालं न्हापा हे स्वीकृति कयातःगु ज्याझ्वःयात तकं दिकेत इनाप याःगु दु ।
हलिंन्यंकं कोरोना भाइरसं महामारी जुया च्वंगु इलय् विश्व स्वास्थ्य संगठनं नेपाःयात यक्व जोखिमय् लाःगु दे कथं धलखय् तयेधुंकुगु दु । सरकार थ्व संक्रमण मजुइकेत सचेतना देयेका च्वंगु दुसा हुलमुलय् मवनेत, सभा, सम्मेलन ज्याझ्वः मयायेत तकं इनाप याःगु खः ।
छ्याता
फेसबुक छ्याता