उदाय् समाजया नायः डा. रुपज्योति कसाःया सभा नायोसुइ न्ह्याःगु थुगु निगूगु चरणया दँ मुँज्याय् कर्णदीपया व्यवस्थापनया विषयलय् खनेदयाच्वंगु समस्यायात कयाः सहभागिपिन्सं थःथःगु धारणा तय्गु ज्या जूगु खः ।
उगु निगूगु चरणया दँ मुँज्याया सभाया नायो डा. रुपज्योति कसालं कर्णदीप व्यवस्थापनया सवालय् योगाम्वर सी गुथि नाप जुयाच्वंगु विवादया खँ कनादीगु खः ।
उदाय् समाजया न्वकु डा. प्रेमरत्न स्थापितं लसकुस न्वचु बिया न्ह्याःगु उगु सभाय् जनबहाः द्यः असनय् बिज्याकूबलय् योगाम्वर सी गुथिया नामं उदाय् समाजयात लाक्वपाक्व लान्छना लगेयाना असनय् इनाव्यूगु पर्चा उद्घोषक प्रेमहिरा तुलाधरं ब्वना न्यकादीगु खः ।
थुकथं हे उगुपर्चाया सवालय् पिदंगु खँयात कयाः उदाय् समाजं योगाम्वरसी गुथियात न्यनातःगु खँया भ्वं उदाय् समाजया मूछ्यान्जे स्वय्म्भू रत्न तुलाधरं ब्वना न्यंकादीगु खः ।
उगु दँ मुँज्या क्वचाय्के ज्याभ्वलय् उदाय् समाजया निवर्तमान नायो पञ्चवीरसिह तुलाधर, उदाय् समाजया सल्लाहकार सुरेन्द्रकाजी सिन्दुराकार, सहभागिपिं विकास रत्न कसा, देशरत्न कसा, धर्मरत्न सथापित, रेणु स्थापित, त्रिलोकरत्न, कसाः, रमेश तुलाधर, पूर्णरत्न तुलाधर, पूर्ण उदास लगायतपिन्सं कर्णदीपया व्यवस्थापन पक्षय् जुयाच्वंगु विवादयात याकनं गथे याना समाधान यानावने धैगु बारे च्यूताः तसें सुझाव विइगु ज्या नं जूगु खः ।
बुखं ओ किपा : सुगत रतन सिन्दुराकर
0 Comments:
Post a Comment