सरकारं नेपाल विद्युत प्राधिकरणया कार्यकारी निर्देशकय् दीर्घयुकुमार श्रेष्ठयात नियुक्त याःगु दु । शुक्रवाः च्वंगु मन्त्रिपरिषद बैठकं श्रेष्ठयात कार्यकारी निर्देशक नियुक्त याःगु सरकारया प्रवक्ता नापं शिक्षामन्त्री सस्मित पोखरेलं न्ह्यथंगु दु । श्रेष्ठ थ्व न्ह्यः अख्तियारया कार्यवाहक कार्यकारी निर्देशक कथं ज्या यानाच्वंगु खः ।

नेपाल आयल निगमं पेट्रोलया भाः प्रतिलिटर ५ तका व डिजेल व मचिकंया भाः ४ तका क्वकाःगु दु । थाैं निसें लागू जुइ कथं निगमं इन्धनया भाः समायोजन याःगु खः ।

स्वनिगलय् आः पेट्रोल प्रतिलिटर १६३ व डिजेल व मचिकं १५१ तका दामं मीगु व वितरण जुइगु जूगु दु । निगमया प्रवक्तां भारतीय आयल निगमपाखें चैत १५ गते प्राप्त जूगु पेट्रोल व डिजेलया न्हूगु भाः कथं निगमया संचालक समितिया निर्णय कथं भाः समायोजन याःगु जानकारी ब्यूगु दु ।