काठमाडौं उपत्यकाय् साझा यातायातं शनिवाःनिसें ६ गू रुटय् २८ गः विद्युतीय बस संचालनय् हःगु दु । संविधान दिवसया लसताय् कम्पनीं रात्रीकालीन सेवायात प्यदुगं विस्तार याःगु खः ।

नेपाल आयल निगमं पेट्रोलया भाः प्रतिलिटर ५ तका व डिजेल व मचिकंया भाः ४ तका क्वकाःगु दु । थाैं निसें लागू जुइ कथं निगमं इन्धनया भाः समायोजन याःगु खः ।

स्वनिगलय् आः पेट्रोल प्रतिलिटर १६३ व डिजेल व मचिकं १५१ तका दामं मीगु व वितरण जुइगु जूगु दु । निगमया प्रवक्तां भारतीय आयल निगमपाखें चैत १५ गते प्राप्त जूगु पेट्रोल व डिजेलया न्हूगु भाः कथं निगमया संचालक समितिया निर्णय कथं भाः समायोजन याःगु जानकारी ब्यूगु दु ।