मिसेस नेवाः (Mrs. Newa)


वंगु असार २२ गते निसें न्हापांगु मिसेस नेवाःया तालिम न्ह्यागु दु । श्रावन ६ गते जुइगु मिसेस नेवाःया तालिम सुथाःलाक्क न्ह्यानाच्वंगु कजि रेनुका बज्राचार्य न्ह्यथनादिल । १४ म्ह ब्याहा जुइधुंकुपिं मय्जुपिं दथुइ जुइत्यंगु धेंधेंबल्लाखय् नेपालभाषायात तिबः बीगु नापं भौमस्त जुइधुंका नं समाजय् सक्रिय जुइफइगु हसना दइगु न्ह्यथंगु दु । नारी प्रकृति जुगु व मानवीय तालिम दत धाःसा क्वातुक नापं सक्रिय जुया छेँज व समाजया विकासय् न्ह्यज्याय्फइगु कजि बज्राचार्यया धापु दु ।

के.टि.एम मिडिया एण्ड इभेन्ट्सया ग्वसालय् जुयाच्वंगु मिसेस नेवाःया इभेन्ट म्यानेजमेन्ट धासा म्हसिका एजुकेशन एण्ड इन्टरटेन्मेन्टं याय्त्यंगु दु ।


थीथी तालिम मध्ये अटायर व सेल्फ ग्रुमिंग ड्रेस डिजाइनर शोभा महर्जनं न्ह्याकादिगु खःसा वयाँ लिपा सुदिप पोखरेलं फोटोशुट यानादिगु खः । नानी छोरी महर्जनं महिला सशक्तिकरण, रिना अवालें मेकअप, विश्वास बज्राचार्यं टेबल म्यानर, सागर महर्जन मिडिया, प्रेमलाल महर्जन उपभोक्ता सचेतना, डा. चुण्डा बज्राचार्यं नेपालभाषा, कमला म्याम पाखें आर्ट थेरापि क्लास काःगु खः । अथेहे म्हसिका टिमं टाइम म्यानेजमेन्टया क्लास काःगु खः ।


ब्वति कापिं मय्जुपिंत मुदिता सेवागृह चाःहिकेगु ग्वसाः दुगु नापं सम्पदा लागा अवलोकन नं जुइत्यंगु ग्वसा खलकं न्ह्यथंगु दु ।

ज्याझ्वःया ट्यालेन्ट राउण्ड असार ३१ गते जुइत्यंगु दुसा ग्रायण्ड रिहल्सल श्रावण ५ गते जुइत्यंगु दु । अथेहे मिसेस नेवाःया ग्रायण्ड फिनाले  श्रावण ६ गते राष्ट्रिय नाचघरय् जुइत्यंगु दु ।

ब्वति कापिं मेय्जुपिं थुकथं दु। साभार : तिकिझ्या वा:पौ