राष्ट्रपति रामचन्द्र पौडेलं नागरिकता विधेयक बुधबाः सुथः प्रमाणीकरण याःगु दु ।
थ्व न्ह्यः तत्कालीन राष्ट्रपति विद्यादेवी भण्डारीं नागरिकता विधेयक प्रमाणीकरण पंगु खः । संसदया निगुलिं सदनं पारित जूगु नागरिकता विधेयक ०७९ साउन १६ गते तत्कालीन राष्ट्रपति भण्डारीन्ह्यः प्रमाणीकरणयायेत छ्वःगु खः । तर भण्डारीं विधेयकय् असहमति प्वंकुसें संसदय् लित छ्वःगु खः ।
निगुलिं सदनं निक्वगु खुसिइ विधेयक गथे खः अथेहे पारित याना भदौ २० य् राष्ट्रपति भण्डारीयात छ्वःगु खः । १५ न्हु दुने प्रमाणीकरण यायेमाःगु संवैधानिक व्यवस्था दुसां भण्डारी अथें तयातःगु खः । फागुन २५ य् राष्ट्रपति जूम्ह पौडेलं धाःसा स्वला लिपा सरकारया इनापय् नागरिकता विधेयक प्रमाणीकरण याःगु दु । सरकारं १२ जेठय् राष्ट्रपति पौडेलयात नागरिकता विधेयक प्रमाणीकरण यायेत इनाप याःगु खः ।
0 Comments:
Post a Comment