१९ वडाध्यक्ष शशीलाल श्रेष्ठ मंत, येँ शोक विदा, थाैं अन्तिम संस्कार


येँ महानगरपालिका वडा नम्बर १९ या अध्यक्ष शशीलाल श्रेष्ठ बिहिबाः सनिल आकाझाकां मन्त ।  क्यान्सर पीडित ६५ या श्रेष्ठ उपचारया झ्वलय् नर्भिक अस्पतालय् मदुगु खः । स्वास्थ्य समस्या खनेदुगुलिं उपचारया नितिं वयेकःयात नर्भिक अस्पताल यंकुगु खःसा वयेकःया उसाँय् बांलानावनाच्वंगु छेँजःया धापु दु । २०१३ साल पुस १४ गते बुम्ह श्रेष्ठयात वंगु लत्या न्ह्यः नयेगु नलीइ क्यान्सर खनेदुगु खः । उपचारया झ्वलय् वयेकःयात निक्वगु खुसिइ किमो बी धुंकल।  

महानगरया प्रमुख प्रशासकीय अधिकृत राजेश्वर ज्ञवालीया कथं वडाध्यक्ष श्रेष्ठ मदुगुलिं महानगरं थाैं शुक्रबाः छन्हु शोक विदा बीत्यंगु दु । वयेकःया सिम्ह थाैं सुथः ८ ता इलय् अस्पतालं अन्तिम श्रद्धाञ्जलीया नितिं वडा ज्याकुथिइ यंकेत्यंगु दु । सुथः ९ ता इ निसें न्हिनय् ३ ता इ तक वडाय् तयेधुंका अन्तिम संस्कारया नितिं पशुपतिइ यंकेत्यंगु वडा दुजः चन्द्रमान डंगोलं न्ह्यथनादिगु दु । 

श्रेष्ठया तिरिमयेजु, ३ म्ह म्ह्याय् व १ म्ह काय् दु ।

Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment