देन्यंकं ३,१२५ कोरोना संक्रमित, २३ म्हेसिया मृत्यु


लिपांगु २४ घौ दुने देन्यंकं ३ द्व १२५ म्ह कोरोना भाइरस संक्रमण पुष्टि जूगु दु ।

१० द्व ६१३ नमुनाया पीसीआर परीक्षणय् २ द्व २७९ व ३ द्व १९८ एन्टिजेन परीक्षण याना ८४६ म्ह नापं ३ द्व १२५ म्ह कोरोना संक्रमण खनेदूगु स्वास्थ्य तथा जनसंख्या मन्त्रालयं न्ह्यथंगु दु ।

अथेहे लिपांगु २४ घौ दुने कोरोना संक्रमणं २३ म्हेसिया मृत्यु जूगु दु । अथेहे द्वछि ९२५ म्ह लंगु दु । नेपालय् कोरोना संक्रमितया ल्याः आः तक ७ गु लख ६२ द्व ४३२ थ्यंंगु दु । व मध्ये ९ द्व ८९८ म्हेसिया मृत्यु जूगु दुसा आःतक ६ गु लख ५८ द्व १२२ म्ह लंगु दु ।

मन्त्रालयया कथं देन्यंकं दूगु सक्रिय संक्रमितमध्ये २८ द्व ४०५ म्ह होम आइसोलेसनय् दु । अथेहे ३ द्व २२४ म्ह संस्थागत आइसोलेसनय् दु । कोरोनाया ल्वःगि मध्य ६९० म्हेसिया आईसीयू व १७५ म्हेसिया भेन्टिलेटरय् उपचार जुयाच्वंगु दु ।

लिपांगु २४ घौ दुने थप संक्रमितमध्ये ७७० म्ह स्वनिगलय् जक दु । थुकि येँय् ५५६, यलय् ११५ व ख्वपय् ९९ म्ह संक्रमित दु । मन्त्रालयया कथं कास्कीइ १७४, मकवानपुरय् १३६, मोरङय् १३५, बागलुङय् १३२, व सुनसरीइ ११६ म्ह संक्रमित थप जूगु दु ।

अथेहे काभ्रेय् १०७, चितवनय् ९०, झापाय् ४६, रामेछापय् ४५, रुपन्देहीइ ४२, दोलखा व धादिङय् ३६÷३६ व नुवाकोटय् ३४ म्ह कोरोना भाइरस संक्रमण खनेदूगु खः । कैलालीइ ३३, गोरखाय् २८, सिन्धुपाल्चोकय् २६ व धनकुटाय् २२ म्ह संक्रमित थप जूगु दु ।


Share on Google Plus

News: Newa News

    छ्याता
    फेसबुक छ्याता