सर्वोच्च अदालतं प्रधानमन्त्री केपी शर्मा ओलीया सिफारिसय् राष्ट्रपति विद्यादेवी भण्डारीं याःगु प्रतिनिधिसभा विघटनयात असंवैधानिक ठहर यासें बदर याःगु दु ।
प्रधानन्यायाधीश चोलेन्द्रशम्शेर जबरानापं न्यायाधीशपिं दीपककुमार कार्की, मीरा खड्का, ईश्वरप्रसाद खतिवडा व आनन्दमोहन भट्टराईया इजलासं उगु उजं ब्यूगु खः ।
आदेशय् निवेदकया माग कथं कांग्रेस सभापति शेरबहादुर देउवायात प्रधानमन्त्री दयेकेत तकं परमादेश जारी याःगु दु । उगु निर्णय ‘न्यायाधीशपिनिगु एकमतं याःगु खः । माग कथं उजँ जारी यानागु,’ उजँ न्यंकुसें प्रधान न्यायाधीश चोलेन्द्रशमशेर जबरां न्ह्यथनादिल । अदालतं उगु मुद्दाय् सोमबार संक्षिप्त उजँ जारी याःगु खः ।
न्यायाधीश ईश्वर खतिवडाया कथं फैसलाया पूर्णपाठ तयार जुइधुंकुगु दु । ‘पूर्ण पाठ बीत थःपिंसं छवाया ई कयागु खः । फैसला च्वयेत प्रधानन्यायाधीशं जित जिम्मा बियादीगु खः,’ न्यायाधीश ईश्वर खतिवडां न्ह्यथनादिल ।
जेठ ७ गते चान्हय् विघटन जूगु प्रतिनिधिसभा पुनस्र्थापना यासें सर्वोच्च अदालतया संवैधानिक इजालसं संविधानया धारा ७६(५) कथं कांग्रेस सभापति शेरबहादुर देउवायात प्रधानमन्त्री नियुक्ति यायेत तकं परमादेश जारी याःगु दु ।
फैसलाय् देउवायात फैसला वःगु २८ घौ व धैगु कन्हे २९ गते सनिलया ५ ता ई तक प्रधानमन्त्री नियुक्त यायेगु ई फ्याना परमादेश जारी याःगु दु । सर्वोच्चया थूगु परमादेश कथं राष्ट्रपतिं २९ गते सनिलया ५ ता ई तक शेरबहादुर देउवायात प्रधानमन्त्री देकेमा ।
प्रधानमन्त्री केपी शर्मा ओलीया सिफारिसय् राष्ट्रपति विद्यादेवी भण्डारीं यानादीगु प्रतिनिधिसभा विघटनयात असंवैधानिक ठहर यासें बदर याःगु दु ।
जेठ ७ गते चान्हय् विघटन जूगु प्रतिनिधिसभा पुनःस्थापना याना ७ न्हु दुने अर्थात् २०७८ साउन ३ गते आइतबार न्हिनय् ५ ता ई दुने प्रतिनिधिसभा अधिवेशन प्रारम्भ जुइकथं थथें व्यवस्था यायेत नं जारी परमादेशय् न्ह्यथनातःगु दु । आदेशय् ७६ या उपधारा ५ कथं ओलीं प्रधानमन्त्रीइ याःगु दाबी संविधानसम्मत मजूगु धका प्रतिनिधिसभा पुनस्र्थापना यासें सर्वोच्च अदालतया संवैधानिक इजालसं संविधानया धारा ७६(५) कथं कांग्रेस सभापति शेरबहादुर देउवायात प्रधानमन्त्री नियुक्ति यायेत परमादेश जारी याःगु दु ।
0 Comments:
Post a Comment