नवनियुक्त प्रधानमन्त्री शेरबहादुर देउवां पद तथा गोपनीयताया शपथ कयादीगु दु । मंगलबाः सनिल शीतल निवासय् ग्वसाःग्वःगु विशेष समारोहलय् राष्ट्रपति विद्यादेवी भण्डारीन्ह्यः देउवां पद तथा गोपनीयताया शपथ कयादिल ।
सर्वोच्च अदालतया फैसलालिपा राष्ट्रपति भण्डारीं मंगलबाः न्हिनय् देउवायात प्रधानमन्त्रीइ नियुक्त यानादीगु खः । राष्ट्रपति भण्डारीं प्रधानमन्त्री नियुक्तिइ संविधानया धारा मच्वःगु धका देउवां नियुक्ति भिंका जक शपथ कायेगु न्ह्यथनादिल ।
उगु कारणं शपथ ग्रहण लिबाःगु खः । लिपा राष्ट्रपतिं सर्वोच्च अदालतया फैसला नापं संविधानया धारा ७६ (५) कथं प्रधानमन्त्री नियुक्त जूगु उल्लेख याःसेंलि देउवां शपथ कयादीगु खः ।
सु सु जुल मन्त्री ?
देउवां संविधानया धारा ७६(५) कथं प्रधानमन्त्री पदय् सपथ काय् खतं माओवादी केन्द्र व थःगु दलं २-२ म्ह मन्त्री नियुक्त यानादीगु दु ।
गृहमन्त्रीइ बालकृष्ण खाँण व कानुन, न्याय तथा संसदीय मामिला मन्त्रीइ ज्ञानेन्द्रबहादुर कार्कीयात शपथ ब्यूगु खःसा माओवादी केन्द्रपाखें जनार्दन शर्मायात अर्थ व पम्फा भुसालयात ऊर्जा, सिँचाइ तथा जलस्रोत मन्त्रालयया जिम्मा ब्यूगु दु ।
0 Comments:
Post a Comment