स्वनिगलय् वैशाख १६ निसें अत्यावश्यक बाहेकया सेवाय् निषेधाज्ञा, येँ पिने वनीपिंत निन्हुया ई

 


स्वनिगलय् वैशाख १६ गते सुथः ६ ता इलं निसें वैशाख २२ गते चान्हय् १२ बजेतक अत्यावश्यक बाहेकया सेवा व यातायात बन्द याइगु जूगु दु ।

येँ, यल व ख्वपया प्रमुख जिल्ला अधिकारीतयेसं थौं सनिल उजँ जारी यासें मदयेकं मगाःगु सेवाबाहेकया सेवाय् निषेधाज्ञा जारी याःगु खः ।

लकडाउन जुइन्ह्यः नागरिकयात थःगु छेँ वनेत निन्हुया ई ब्यूगु दु । जिल्ला प्रशासन ज्याकु येँया प्रमुख जिल्ला अधिकारी कालीप्रसाद पराजुलीं येँ पिने वनीपिंत निन्हुया ई बियागु न्ह्यथनादिगु दु ।

छुँ छगु जक लागा बन्द याना नं संक्रमणया अवस्थायात ब्रेक याय् मफइगु जूगुलिं फुक्क लागा पूर्ण रुपं बन्द यायेत निषेधाज्ञा जारी यायेगु निर्णय जूगु वयेकलं न्ह्यथनादिल ।

लकडाउन तय् न्ह्यः सतर्क जुइत सर्वसाधारणयात अपिल याःसां मापदण्ड पुवंक पालना मजूगुलिं संक्रमणया स्थिति गम्भिर जूगु प्रशासनं क्वछिउगु दु । अकें भयावह स्थिति मवयेकेत निषेधाज्ञा तयेमाःगु प्रमुख जिल्ला अधिकारी पराजुलीं न्ह्यथनादिल ।





Share on Google Plus

News: Newa News

    छ्याता
    फेसबुक छ्याता