कांग्रेस नेता नापं पूर्व उद्योगमन्त्री नवीन्द्रराज जोशीयात मस्तिष्कघात जुइधुंका नर्भिक अस्पतालय् उपचार याकाच्वंगु दु । नर्भिक अस्पतालया आईसीयूया भेन्टिलेटरय् तया उपचार जुयाच्वंगु दु ।
न्युरोसर्जन डा. राजीव झानापंया चिकित्सकया पुचलं जोशीया उपचार यानाच्वंगु दु ।
डा. झाया कथं उच्च रक्तचापया कारणं जोशीयात मस्तिष्कघात जूगु खः । मस्तिष्कया अति संवेदनशील थासय् हि कुंगु दु । उकियात शल्यक्रिया याना लिकाय् मज्यूगु व चिधंगु शल्यक्रिया याना मस्तिष्कय् लाइगु चाप म्हो यायेत पाइप तयातःगु डा. झाया धापु दु । थ्व केस जतिल जूसां कुतः धाःसा थःपिंसं यानाच्वनागु वयेकलं न्ह्यथनादिल ।
जोशीयात बिहीबाः बहनी म्हया जवय् समस्या खनेदःसेंलि वीर अस्पतालय् भर्ना जूगु खः । शुक्रबाः सुथः थप उपचारया नितिं वीरं नर्भिक यंकुगु ग्वाहालिमि पुष्कर पाण्डें न्ह्यथनादिल ।
0 Comments:
Post a Comment