स्वास्थ्य तथा जनसङ्ख्या मन्त्रालयं कोभिड १९ विरुद्धया खोपया निगुगु मात्रा ८ वा निसें १२ वा दथुइ बीगु निर्णय याःगु दु ।
थ्व न्ह्यः मन्त्रालयं खोपया न्हापांगु मात्रा तःगु २८ न्हुलिपा निगुगु मात्रा बीगु न्ह्यथंगु खः । स्वास्थ्य सेवा विभाग अन्तर्गत बाल कल्याण तथा खोप महाशाखा प्रमुख डा. झलक गौतमया कथं विश्व स्वास्थ्य संगठनया खोपसम्बन्धी विज्ञतयेगु समिति (सेज) या निर्णय कथं उगु प्रस्ताव याःगु खः । सेजं न्हापांगु खोप काःगु ८ निसें १२ वाया अवधिइ निगुगु मात्रा तःसा प्रभावकारी जुइगु निर्णय याःगु खः ।
खोपया निगुगु मात्रा गुलि लिबात उलि एन्टिबडी प्रभावकारी जुइगु कोभिड १९ खोप प्राविधिक सल्लाहकार समितिया संयोजक डा. श्यामराज उप्रेतीं न्ह्यथनादिल । खोप विज्ञ डा. उप्रेतीया कथं खोपया न्हापांगु मात्रा तया म्हय् खनेदूगु प्रतिअसरत निगुगु मात्रा तयेबलय् म्हो खनेदइ । अथेहे कोभिसिल्ड खोपं कोरोनाया हुनिं मृत्युदर व थाकुगु नं म्हो याइ । खोप कायेधुंकुम्ह मनुयात संक्रमण जुया गम्भीर असर मजुसां सारे यायेगु सम्भावना जूगुलिं जनस्वास्थ्यया मापदण्ड पालना यायेमा ।
0 Comments:
Post a Comment