बेलायतय् हाकनं लकडाउन


कोरोना भाइरस संक्रमण अप्वःसेंलि बेलायतया प्रधानमन्त्री बोरिस जोन्सनं देन्यंकं हाकनं लकडाउन घोषणा याःगु दु ।  लकडाउन घोषणानापं मनुतयेत छेँ हे च्वनेत अपिल याःगु दु । बीबीसीया कथं बेलायतय् फेब्रुअरीया दथु तक लकडाउन जुइगु अनुमान याःगु दु ।    

प्रधानमन्त्री जोन्सनं देशवासीयात सम्बोधन याःसें संक्रमण अप्वः थें मेहनत नं अप्व यायेमाःगु न्ह्यथनादिल । वयेकलं हथायेगु ज्या मखुसा छेँ पिने मवनेत इनाप याःगु दु । बेलायतं कोरोना भाइरसविरुद्धया खोप अक्सफोर्ड-एस्ट्राजेनेका नापं न्ह्याके धुंकुगु दु । देन्यंकं थापना याःगु खोप केन्द्रपाखें न्यागु लख स्वयाँ अप्व खोप बीगु बेलायत सरकारं न्ह्यथनादिल ।

Share on Google Plus

News: Newa News

    छ्याता
    फेसबुक छ्याता