प्रधानमन्त्री केपी शर्मा ओली संसद विघटनया सिफारिस याःगु दु । पार्टी दुनं थःत चीकेगु तयारी जुयाच्वंगुलिं प्रधानमन्त्री ओलीं संसद विघटनया नितिं राष्ट्रपति न्ह्यः सिफारिस यानादीगु दु । आइतबाः मन्त्रिपरिषदया आकस्मिक बैठकं संसद विघटन यायेगु क्वःछ्यूगु छम्ह मन्त्रीं न्ह्यथनादिल ।
नेपाःया संविधानय् संसद विघटनसम्बन्धी प्रावधान धाःसा स्पष्ट मदु। संविधानया धारा ८५ या १ य् संविधान कथं न्ह्यः हे विघटन जूगुलि बाहेक प्रतिनिधि सभाया कार्यकाल ५ दँ जुइ धका न्ह्यथनातःगु दु । संविधानया धारा ७६ या उपधारा ७ या ५ य् प्रधानमन्त्रीं विश्वासया मत काय् मफुसा वा प्रधानमन्त्री नियुक्त जुइ मफुसा प्रधानमन्त्रीया सिफारिसय् राष्ट्रपतिं प्रतिनिधि सभा विघटन याना ६ ला दुने मेगु प्रतिनिधि सभाया निर्वाचन जुइगु कथं निर्वाचनया मिति फ्यायेगु न्ह्यथनातःगु दु ।
0 Comments:
Post a Comment