सांसद श्रेष्ठ व साउदी अरेबियाया राजदूत नापलात


नेपाल ओलम्पिक कमिटीया नायः प्रतिनिधि सभाया सदस्य जीवनराम श्रेष्ठ व नेपाःया नितिं साउदी अरेबियाया राजदूत मुसाउद अल आरवेदथुइ शनिबाः सन् २०३० या एसियाली कासा ग्वसाग्वयेत दाबी यायेगु बारे सहलह जूगु दु । कमिटीया सातदोबाटोया ज्याकुथिइ जूगु नापलायेज्याय् कासाया माध्यमं पारस्परिक ग्वाहालिया नितिं खँल्हाबल्हा जूगु दु ।

साउदी अरेबियाया राजधानी रियादं सन् २०३० या एसियाली कासा ग्वसा ग्वसा ग्वयेगु दाबी प्रस्ताव याःगु दुसा उकि नेपाःया समर्थन व ग्वाहालिया नितिं राजदूत आरवें नायः श्रेष्ठ नापलाःवःगु खः । रियादनापं कतारया दोहा थूगु धेधेबल्लाखय् दुसा कतारी ओलम्पिक पुचलं थ्व न्ह्यः हे येँया भ्रमण यायेधुंकुगु दु । 

राजदूतनापया खँल्हाबल्हा लिपा नायः श्रेष्ठं साउदी व कतारया प्रस्ताव तुलनात्मक रूपं छगु हे जूगु धासें ओमानया मस्कटय् जुइगु एसियाली ओलम्पिक कमिटीया साधारण सभाय् निगुलिं पुचःनाप थप सहलह यायेगु न्ह्यथनादिल । 

नायः श्रेष्ठं मस्कटय् जुइगु साधारण सभाय् ब्वति कायेत्यंगु दु । राजदूत आरवेनापया सहलहस कमिटीया न्वकु नापं कार्यकारी निर्देशक चतुरानन्द राजबैद्य व महासचिव निलेन्द्र श्रेष्ठया ब्वति दूगु खः ।


Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment