चलचित्र संघं पुस १० गतेनिसें हल चायेकीगु, आन्दोलन नं याइगु


नेपाल चलचित्र संघं पुस १० गतेनिसें सिनेमा हल चायेकेगु निर्णय याःगु दु ।

संघं नेपाल सरकारया स्वास्थ्य सुरक्षा विधि व डब्लु एच ओया सुरक्षा मापदण्ड कथं हल सञ्चालन यायेत्यंगु दु । सरकारनाप यक्व इनाप याःसां हल चायेकेगु नीति निर्णय मवःगुलिं आक्रोशित जुया सिनेमाकर्मीतयेसं हल चायेकेगु निर्णय याःगु खः ।

संघं हवाई, बस व्यवसाय, होटल, रेष्टुरेन्ट, देगः नापंया लागा पूर्ण रुपं सञ्चालन जूगुलिं सिनेमा लागा सञ्चालनया नितिं सरकारं पला मन्ह्याकुगु धासें गुनासो याःगु दु ।

नापं संघं पुस १० गतेनिसें चरणबद्ध रुपं आन्दोलन यायेगु निर्णय तकं याःगु दु । विज्ञप्तीइ मनोरञ्जन कर खारेज यायेगु, संकिपा प्रदर्शन व्यवसायं उद्योगया मान्यता दयेमाःगु, संकिपा विकास शूल्क खारेज यायेमाःगु, संकिपा छेँयात माःगु उपकरण व सामाग्री भन्सार महशुल छुट जुइमाःगु, संकिपा लागायात अति प्रभावित लागा कथं सम्बोधन यायेमाःगु माग तःगु दु ।

Share on Google Plus

News: Newa News

    छ्याता
    फेसबुक छ्याता