अमेरिकाय् कोरोना भाइरसविरुद्धया खोप बीगु सुरु याःगु दु । न्यूयोर्कया लोन्ग आइल्याण्डाय नर्सयात न्हापांगु खोप ब्यूगु बीबीसीं न्ह्यथंगु दु । थुम्ह नर्स आईसीयूलय् कार्यरत खः ।
अमेरिकां फाइजर व बायोएनटेक खोप छ्यःगु दु । फाइजर व बायोएनटेकयात अमेरिकां वंगु शुक्रबाः अनुमति ब्यूगु खः ।
सोमबाः १५० अस्पतालय् थ्व भ्याक्सिन ब्यूगु दु । अमेरिकां सन् २०२१ या अप्रिल तक १० करोड यात खोप बीगु आज्जु काःगु दु ।
हलिंमय् दकलय् अप्व प्रभावित अमेरिकाय् कोरोना संक्रमणं स्वंगु लख मल्याक मनुतय् मृत्यु जुइधुंकुगु दु ।
थ्व खोप ९५ प्रतिशत सुरक्षित जूगु न्ह्यथंगु दु । ब्रिटेनय् नं थ्व खोपयात अनुमति बीधुंकुगु दु ।
0 Comments:
Post a Comment