भिंतुना म्ये व छ जिमि हिरा रे छगु हे ज्याझ्वलय् पितबिल


न्हुदँ या लसताय् पवित्र कसाःया सलय् छ जिमि हिरा रे बाेलया म्ये थाैं छगु ज्याझ्वःया दथुइ पितबीज्या जूगु दु । शैलेश लगँबरेया च्वसाय् गाेविन्द ह्यूमतया संगीत व जिवित जल्मिया संगीत संयाेजनया थूगु म्ये गाेपालकृष्ण महर्जनया निर्माण व रामकृष्ण खड्गीया निर्देशनय् म्यूजिक भिडियाे पितब्वज्या जूगु खः ।

अथेहे थूगु ज्याझ्वलय् न्हूदँया भिंतुना म्ये तकं सार्वजनिक याःगु खः । भाेगेन्द्र बज्राचार्य व लसता जाेशीया सलय् दूगु भिंतुना म्येया अडियाे पितब्यूगु खःसा थूगु म्येया च्वसा नं शैलेश लगँबरेया खःसा च्वसाय् ग्वाहाली म्ये च्वमि संघरत्न शाक्यं यानादीगु खः ।


थूगु म्येया अडियाे पुलांम्ह रक्षा मन्त्री भिमसेनदास प्रधानं यानादीगु खःसा छ जिमि हिरा रे म्येया पितब्वःज्या येँ महानगरपालिका मेयर विद्या सुन्दर शाक्यं यानादीगु खः । पुलांम्ह मन्त्री प्रधान विशेष पाहाँ व मेयर शाक्य मू पाहाँ कथं ज्याझ्वलय् झाःगु खः ।

थः काय् हे लुमंका च्वयागु धाःसें म्ये च्वमि लगँबरें माँबाैया काय् प्रतिया माया व आशा थूगु म्ये क्यनागु न्ह्यथनादिल । निर्देशक खड्गी काेभिडया हुनिं हुलमुल मयाःसे यक्व मनु व्यवस्थापन यानागु न्ह्यथनादिल । 

किशाेर चिपालु, सृष्टि महर्जन, निरज वाडे या मू भुमिका दूसा ज्याझ्वलय् कलाकार नापं ग्वाहालि याःपिंत मेयर शाक्यं खाडा क्वखायेका सम्मान याःगु खः ।

Share on Google Plus

News: Newa News

    छ्याता
    फेसबुक छ्याता