ज.स.पा. जनसरोकारपाखें मेयर शाक्ययात ५ बुदे माग

येँ महानगरपालिका मेयर विद्यासुन्दर शाक्ययात जनता समाजवादी पार्टीया नेपाल जनसरोकार समन्वय समितिं न्यागु बुदे माग लःल्हाःगु दु । समितिया संयाेजक श्याम कृष्ण प्रजापतिया नेतृत्वय् वंगु पुचलं मेयर शाक्य नापलाना येँ न्हिथं द्वलंद्व संक्रमित जूगुया जिम्मेवारी येँ महानगरपालिकां कायेमाःगु धाःगु दु । येँ महानगरया जनतां राज्यया अनुभूति काय् मखंगु व संक्रमणया केन्द्र येँ महानगर जूगु इलय् सङ्घीय, प्रदेश व स्थानीय सरकारया फुक्क ध्यान थुकि केन्द्रित यायेमाःगु धाःसें ध्यानाकर्षण याःगु दु । 


येँया जनताया जीवन रक्षा यायेत येँ महानगरपालिका यात माग तकं याःगु दु ।  

मागत : 

१. येँ महानगरया फुक्क वडाय् निःशुल्क पीसीआर टेष्टया व्यवस्था 

२. म्हाेतिं न्याद्व संक्रमितयात व्यवस्थिति आइसोलेसनया व्यवस्था

३. सम्भावित संक्रमण पनेत भीडभाड नियन्त्रण यायेत मातहतया निकायया प्रभावकारी परिचालन 

४. संक्रमणया स्रोत फुटपाथ व्यापार, व्यवसाय पूर्ण रुपं बन्द 

५. सरकार व सरकारी निकायत कोभिड–१९ नियन्त्रणय् पूर्णतः असफल जूगुलिं सर्वपक्षीय संयन्त्रण निर्माण



Share on Google Plus

News: Newa News

    छ्याता
    फेसबुक छ्याता