कोभिड १९ फ्लू स्वयाँ म्हो जक ग्यानापुगु दाबी यासें अमेरिकी राष्ट्रपति डोनाल्ड ट्रम्पं च्वःगु स्टाटस फेसबुकं चीकुगु दु ।
कोरोना संक्रमित जुइधुंका राष्ट्रपति ट्रम्पयात स्वन्हु अस्पताल भर्ना याना वासः याःगु खः । वयाँलिपा वयेकः व्हाइट हाउस लिहाँवंगु दु ।
‘अमेरिकां फ्लू सिजननाप म्वायेत सयेकाच्वंगु दु अथेहे कोभिड १९ नाप नं म्वायेत सयेकाच्वंगु दु, यक्व धैथें थासय् कोरोना भाइरस म्हो जक ग्यानापु’ ट्रम्पं फेसबुकय् च्वःगु खः ।
ट्रम्पं ट्विटरय् नं थ्व हसना पोष्ट याःगु दु गुकियात ट्विटरं नं त्वपुइधुंकुगु दु ।
वयेकःया ट्वीटय् थ्व भ्रामक व हानिकारक जानकारी जुइफु धका ख्याच्वः तयातःगु दु ।
फेसबुकया नीति सञ्चार प्रबन्धक एन्डी स्टोनं थःपिं कोभिड–१९ बारे बियातःगु गलत जानकारी चीकाच्वनागु व ट्रम्पया पोस्ट नं उकि लाःगु न्ह्यथनादीगु दु ।
फेसबुकं थ्व नापं ट्रम्पया निक्वःगु खुसि पोस्ट चीकुगु खः तर ट्विटरं धाःसा यक्वखुसि ट्रम्पया पोस्ट चीकेगु व ख्याच्वः बियावयाच्वंगु दु ।
0 Comments:
Post a Comment