कोरोना संक्रमण पुष्टि जूगु स्वन्हु लिपा अमेरिकी राष्ट्रपति डोनाल्ड ट्रम्प छेँय् लिहाँवंगु दु । वयेकःया उपचार आः विशेष निगरानीइ ह्वाइटहाउसय् हे जुइ ।
वाल्टर रिड नेशनल मिलिट्री मेडिकल सेन्टरं पिहाँ वःम्ह ट्रम्पं याकनं राष्ट्रपति पदया चुनाव प्रचार न्ह्याकेगु न्ह्यथनादिल । वयेकलं काेराेना नाप ग्याय् म्वाःगु तकं न्ह्यथंगु खः । ट्रम्पया उपचारय् संलग्न चिकित्सकया कथं वयेकः पुवंक मलंनि । तर स्वास्थ्य सुधारोन्मुख जूगु ह्वाइट हाउसया चिकित्सक डा. सिन कोनं न्ह्यथनादिल । भाइरस म्वानामच्वंगुलिं मेपिंत कोरोना जुइगु सम्भावना मदुगु वयेकलं न्ह्यथंगु दु ।
डिस्चार्ज जुइन्ह्यः ट्वीट यासें ट्रम्पं याकनं चुनाव प्रचार यायेगु व मखुगु समाचारं मखुगु मत सर्भेक्षण क्यनिगु न्ह्यथंगु खः । अमेरिकी राष्ट्रपति चुनाव जुइन्ह्यः याःगु मत सर्भेक्षणय् ट्रम्प स्वयाँ प्रतिस्पर्धी जो बाइडेन लोकप्रिय क्यनाच्वंगु दु ।
0 Comments:
Post a Comment