काेराेना जूम्ह ट्रम्प अस्पतालं पिने चाःह्यूवन, समर्थकयात अभिवादन


कोरोना भाइरसं संक्रमित जुया वाल्टर रीड मिलिटरी मेडिकल सेन्टरय् वासः याकाच्वंम्ह अमेरिकी राष्ट्रपति डोनाल्ड ट्रम्पं अस्पतालं पिहाँ वया समर्थकयात अभिवादन याःगु दु । थ्व ज्या धाःसा विवादित जूगु दु । संक्रमित जुया उसाँय् समस्या जुइधुंका रेमडेसिभिनापंया नया अक्सिजन लेभल तकं म्हाे जुम्ह ट्रम्पं गुप्तचर सेवाया गाडीइ अस्पताल पिने वया समर्थकयात अभिवादन याःगु खः । गाडीइ वयेकःलं मास्क जक तयाच्वंगु खः । 

गाडी गैपिनि सुरक्षा व कोरोना भाइरसं संक्रमित जूम्ह मनु वयेगु गतिविधिया आलोचना तकं जूगु दु । ह्वाइट हाउसं धाःसा डाक्टरया स्वीकृति कथं राष्ट्रपति ट्रम्प छुँ इ गाडीइ च्वना पिहाँ वःगु न्ह्यथंगु दु । तर स्वीकृति ब्यूम्ह डाक्टर सु खः धैगु बारे मधाःगु अमेरिकी सञ्चारमाध्यमं न्ह्यथंगु दु । 

ट्रम्पले भाइरसबारे थूगु अस्पतालय् यक्व जानकारी कयागु न्ह्यथनादिल । ट्रम्पया डाक्टरं थ्व न्ह्यः ट्रम्पया स्वास्थ्य सुधार जुयाच्वंगु व सोमबार डिस्चार्ज जुइफूगु न्ह्यथंगु खः । ट्रम्पयात छक अक्सिजन सपोर्ट बीधुंकुगु दु । नापं स्टेरोइड नं ब्यूगु दु । स्टेरोइड कोरोना भाइरसं संक्रमित जुया गम्भीर स्वास्थ्य अवस्था जूपिंत बी ।

Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment